txirbilaz blai

Agenda 21 egitasmoaren barruan, mekanikako alorrak lan-jantziekin hurrengo ekintza burutu du:

Joan den ikasturte bukaeran 2. mailako ikasleek takiletan utzitako batak jaso eta arropak garbitzen dituen enpresa batera bidaliak izan dira. Guztira 21 buzo eta bata, 13 toaila, niki 1 eta 5 txaketa garbitu dira. Kostua 74 eurotakoa izan da. Bata hauek tornu konbentzional ikastaroko ikasleei utzi zaizkie beste erremintekin batera.

Argazki batetan bidali aurretik arropa zikin eta nahastua ikus daiteke eta bestean garbitu ondoren txukun nola jaso ditugun.

Urriaren 19an hasi genuen ikastaroan 12 lagunek hartzen dute parte. Hauetatik erdia langabezian dago, 3 ERE egoeran eta gainontzekoak lan orduz kanpo etortzen dira. Ikastaroa oso praktikoa denez, guztiak oso gustora daude eta gure arteko giroa ere primerakoa da. Ikastaroaren iraupena 80 ordutakoa da, astelehenetik ostegun bitartean egunean 3 orduz biltzen gara, 18etatik 21etara.

Prestakuntza bukatu bezain laster fresatze makinarekin hasiko gara, beraz nahi duenak ikastetxeko idazkaritzan eman dezake izena.

Kurtso honetan zehar M11 gela antolatzen joan gara, bertan zeuden elektrizitateko panelak gehituaz, eta elementu berriak erosiaz, elektrizitateko praktikak eroso egin daitezen. Orain elektrizitateko panelen 2 linea ditugu, denera 18 postu daudelarik, horrela ikasle bakoitzak berea izateko aukera du.

Guzti hau ez litzateke hainbat pertsonen laguntzarik gabe egingo, eta beraz eskertu Mantenu alorreko irakasleei, beharrezko elementu berriak zerrendatzen eta erosten laguntzeagatik. Baita ere Galdaragintzako langabetuen ikastarokoei eta beren irakasleari, egitura metalikoak egin eta pintatzeagatik, hala nola 1PM3ko ikasleei, mahaiak sartzen laguntzeagatik.

Apirila eta Maiatzean zehar jardujnaldi teknologikoak antolatu ditugu Tolosaldea GLHIko Mekanika alorrean.

Bi ikastetxetako bixita izan dugu, alde batetik Hirukide ikastetxetik 9 ikasle etorri ziren eta bestetik Orixetik 23.

Praktika batzuk antolatu genituen eta aukera eman zitzaien Mekanika alorrean jorratzen ditugun hainbat aspektu ezagutzeko.

Tolosaldeako eta Bergarako, Migel Altunako irakasle talde batek, Heidenhain zenbaki kontrolean jasotako ikastaroaren bigarren zatia amaitu da dagoeneko.

Ikastaroa, iaz erositako DMG 635V makina eta bere kontrolean oinarritu da. Bigarren zati honetan plano inklinatuak eta parametrikak sakondu direlarik.

IMHko irakasle batek eman du formazioa eta azken saioa IMH-n egin dugu, bertako makinak erabiliz.

2009ko martxoaren 10ean 1PM3ko ikasleak tolosako Apatta Erreka industrigunean dagoen Fudike fundiziora joan dira. Enpresa hau urte honetan tolosako erdigunetik gune berri honetara eraman dute eta erabateko eraldaketa eman diote enpresari inbertsio handiak eginaz eta makina zein prozesuen modernizazio handiak lortuz.

Oso bisita interesgarria izan da eta areazko galdaketa enpresa baten nondik norakoak oso garbi ikusi ahal izan dira prozesuaren atal bakoitzean patxadaz galdetu eta ikusi ahal izan baitugu. Gainera enpresaren gaur egungo instalakuntza eta antolakuntzak fundizio zaharren oztopoak gainditzen ditu eta askoz garbiagoa eta bisitagarriagoa egin du enpresa hau.

Enpresa honetan egiten den lana areazko moldeetan piezak beraiek galdatzea da, hau da, galdatzean daude espezializatuta, ez baitituzte modeloak beraiek egiten (nahiz beraiek kudeatu eta mantentzen dituzten modeloak beraien biltegian) eta ezta galdatutako piezak azken mekanizazio bat egiten ere.

Eskerrak eman gurekiko izan duten begirune, harreta eta emandako azalpenengatik.

“Programación en torno cnc Fagor” ikastaroa hasi genuen martxoaren 9an 10 ikaslerekin. Beronek 40 ordu iraungo ditu, martxoaren 31ean bukatuko delarik. Bertan Fagor 8055 zenbaki kontrola irakatsiko da, oinarrizko maila eta tornuaren atala. Horretarako ikasle bakoitzak ordenagailu bidezko simulagailua erabiliko du, baita mekanikako tailerrean dagoen eta kontrol hau daukan produkzioko tornua ere.

Erdimailako mekanizazioko bi kurtsoek Asteasun kokaturik dagoen ECHESA, S. A. bixitatu zuten aurreko astelehenean.

ECHESA, S. A.-k industrial erabilpenerako erreduktoretan, eta eolikarako eta hidraulikarako biderkatzailetan dago espezializaturik.

Bertan tailaketa, engranaien artezketa eta hauei aplikatzen zaizkien tratamendu termokimikoak ikusteaz gain, mekanizatutako pieza bakoitzari aplikatzen dioten kalitate kontrola ikusteko aukera ere izan genuen, hauen artean engranaien egiaztapena eta karkasen hiru dimentsiotako kontrola.

Hemendik eskerrak eman gurekiko izan duten begirune, harreta eta emandako azalpenengatik.

Otsailak 9an, 1ME2 A eta B taldeko ikasleekin , Zizurkilen kokatzen den Jaure enpresara bisita egin genuen.

Enpresan harrera, Teresa Aranzubiak egin zigun, bera bertako RRHH arduraduna da.Horrela bada enpresaren ikuspuntu bat eman zigun ez ikuspuntu produktibo batetik ,ikuspegi orokor batetik baizik. Hala enpresaren historia pixka bat kontatu zigun eta orain Estatu Batuetako Emerson multinazionalaren barnean dago, horrek ekartzen dituen onurak eta kalteak azalduz.

Ondoren taldea bitan banatu genuen tailerreko bisita egiteko, batzu Iñakirekin eta besteak Ikerrekin produkzioa nola antolatuta erakutsi ziguten.
Orokorrean esan dezakegu,enpresa sei ataletan edo zelulatan banatzen dutela, untzigintza, eolikoak, etb; hauentzako akoplamenduak egiten dituztelarik.

Guretzako oso interesgarria tailaketa nola egiten duten ikustea izan zen, eskolan mekanizazio eragiketa hau egiteko makinariarik ez dugulako eta beraiek lan honi garrantzi handia ematen dielako.

Informazio gehiago eta osatuagoa www.jaure.com web orrian ikusi dezakezue.

“Cnc fresatzeko makinaren programazioa-Fagor” ikastaroa hasi genuen otsailaren 2an, iraupena 46 ordukoa izango delarik eta bukaera martxoaren 5ean. Langilez osaturiko taldea da eta ikastaroan fresatzeko makinaren oinarrizko cnc programazioa landuko da. Beronen bukaeran pieza bat mekanizatuko da, taldean eginiko programa bat ejekutatuz. Gai berean sakondu nahi duenak bigarren mailako kurtsoa egin beharko luke.