txirbilaz blai

Goimailako mekanizazioko bi kurtsoak Danobat S.Coop bixitatzera joan gara. Bertan Makina Erramintaren inbestigazio zentrua ikusi (Ideko) eta ondoren Danobat (Elgoibar) ikusi dugu. Danobat taldea MCC taldearen barruan dago eta makina erraminta egiten dute. Makina erraminta esaparru desberdinetarako egiten dute; automozioa, energia berriztagarriak, …

Bixitaren helburua ikasleek makina erramintak nola ekoiztu eta muntatzen diren ikustea izan da. Bertan ikusi ahal izan ditugu Tornuak, Artezgailuak eta Zerrak, mota eta tamina desberdinetakoak.

Hemendik eskerrak eman gurekiko izan duten begirune eta harretarengatik eta bereziki Oscar Calvo bisitan emandako azalpenengatik.

Tolosaldeako eta Bergarako, Migel Altunako irakasle talde batek, Heidenhain zenbaki kontrolean jasotako ikastaroaren lehen zatia amaitu da dagoeneko.

Ikastaroa, iaz erositako DMG 635V makina eta bere kontrolean oinarritu da, IMHko irakasle batek zuzendurik.

Ikastaroaren bigarren zatia, Abenduaren 11an hasiko da, non berriro ere Tolosaldeako eta Bergarako, Migel Altunako irakasleak elkartuko dira.

2PM3 taldeko ikasleak INDAR ikustera joan gara.

Guretzat deigarria izan da batez ere mekanizatzeko makinen tamaina eta ahalmenak zein handiak diren, makina bakoitzeko langileak nola betetzen duten kalitate orria, beraien lanaren kalitatea kudeatu eta beren ardurapean dagoela ikustea.

Lantegian antolamendua ere kontutan hartzekoa da, produktu desberdinen arabera, linea bereziak antolatuak dituztelako, talde bakoitzak beren prozesua kontrolatuz.

Guk, hidraulika eta marina lineak ikusi ditugu eta muntaia ere bai. Egiten den produktuen desberdintasun handia ikusi dugu, eskarien arabera egiten bait dira.

Eman diguten atentzioa eta adierazpenak eskertzekoak dira, oso onak izan bait dira.

Mila esker.

Azaroaren 4ean, lehenengo kurtsoko mekanizazioko A eta B taldeak (28 ikasle) Iruran kokatzen den Euskalforging enpresara bisita egin genuen.

Bertan,altzairuzko uztaiak (eolikoentzako errodamenduak eta karkaxentzako bridak) egiten dituzte.

Bisita oso interesgarria izan zen, prozesu guztia nola burutzen den ikusi ahal izan genuelako; bertako bi langileren(Lucio eta Juan Luis) eskutik azalpenak txukun-txukun eta pazientzia handiz emanez.

Azkar-azkar prozesu hau zein den azalduko dugu.

1. Uztaiaren neurriaren arabera,materialea (altzairu desberdinak) moztuta ekartzen dute.
2. Materiale hau labean berotzen da.
3. Prentsan forma ematen zaio( “Donuts forma”).
4. Laminadoran uztai forma hartzen du.
5. Hozten uzten da.
6. Tratamendu termikoa ematen zaio.(Tenplaketa,iraoketa etb.)

Baita laborategia ikusi hal izan genuen, bertan entseiu suntsikorrak egiteko tresneria ikusi ahal izan genuen.